Հինգշաբթի 3 նոյեմբեր 2011-ի՝ յետմիջօրէի ժամը 17-ին Ռատիովատիկանի Մարքոնիի անուան
սրահին մէջ, տեղի կ՛ունենայ <<Պէնինը Ու Սուրբ Աթոռը>> հատորին ներկայացումը, նախաձեռնութեամբ՝
Պէնինի Սուրբ Աթոռի մօտ դեսպանատան։ Հատորը հրատարակուած է, Վատիկանի հրատարակչատան
կողմէ, Պենետիկտոս ԺԶ Սրբազան Քահանայապետին յառաջիկայ 18-20 նոյեմբեր Պէնին կատարելիք
հովուական այցելութեան նախօրեակին։ Հատորը հարուստ տեղեկութիւններ կու տայ Պէնինի մասին,
որոնք օգտակար են դիւանագտական , ուսումնասիրական նաեւ լրատուական մարզերէ ներս, բոլոր
անոնց որոնք կը հետեւին Սրբազան Քահանայապետի Ափրիկեան ցամաքամաս կատարելիք երկրորդ
առաքելական ճամբորդութեան։